ياليتني ولد؟؟

< عندماتصرخ البنت: ياليتني ولد >
( يا ليتني ولد )
لما يكونون معزومين بعزيمة ...والكل مستعد وتجهز....ويطلعون برا وينادون السواق
وأخيرا يلقون السواق مو موجود
وبعد جوله على جوالات الاخوان.... وتسييرة على جوال الابو
ويأس من ظهور السواق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة



( يا ليتني ولد )



والا بجمعة عائليه ...وتخييم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكئيبه
مع ان طلباتهم ماتعدت دورة بالجيب بين هالرمال
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية





( يا ليتني ولد )




وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية


والعشا يتفركش
والاعذار تتسكت بوجبات( بتوصيل منزلي) من هرفي
واول مايطلعون
تسمع صرخة بالحوش

( يا ليتني ولد )


كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة
لا وانا ابوكم ذا السنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينة

بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي


عاد زي ماقلتلك يمكن نمر شرم الشيخ
هاه ياخواتي ياحلوين تامرون على شيء قبل ماأروح
إيه
سموا


ايييش



( يا ليتنا أولاد )


ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ... ...نواف ....حبيب البيت ......وبرا البيت
_____________
قفلي النت
ليه؟؟؟؟؟
ابي التلفون ....وثاني مرة لعد تشبكينه فاهمة !!!!اوكي
وليه معد أشبكه
اولا أصرف ....ثانيا بنت ....ثالثا وشوله تشبكينه ...وش الفايدة...؟؟؟؟
ماله داعي
!!!!
لاأحد يرفع السماعة طيب......


( يا ليتني ولد )


طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هاللافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كئيبة ومملة بشكل كبيييييييير
والسواليف أغلبها تقتصر على
لبست...اشترت ...انخطبت ...تزوجت....حملت....سافرت
وتلاقي درجة الغليان عند البنات من هالسواليف توصل 100درجة مئويه
الطلعات برى و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب لازم كل ذي الهذرة-
من بتكلمين نهى ...مو لازم بكرة بتشوفينها بالعزيمة
(( هذا اذا لقت احد يوديها ))
ألحين انتظر تلفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك

طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعراض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
(ااذاكر)

!!!!!!عرفتوا ليه البنات اشطر من الاولاد ...........استوعبتوا السر ؟؟؟؟
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
افففففففففففففففففففف

( يا ليتني ولد )


نصل هنا للهدف من الموضوع !!
عندما تقول البنت ،،،


((لو أني ولد)) ...


أول شيء اسويه اروح أخذ امي واخوتي وامشيهم بشوراع الرياض
ونروح نشرب لنا قهوة من توتي كافيه
ولا نمر على ملك المانجو وناخذلنا كوكتيل
والااعشيهم على حسابي
والا أفاجئهم بتذاكر أسفرهم للي يبون
والا استنى اي فرصة اشوفهم محتاجين لي فيها عشان اخدمهم
زيادة على افعالنا لهم كنساء نطبخ وننظف ونقوم بالبيت كله عشانهم !!
هذي أفعالهم عندما تتحقق أمانيهم بأن يصبحون أولادا !!
فهل فعلنا نحن كــ (أولاد) لأجلهم مايستحقون ؟؟!!
اوتمنينا يوما ان نحقق لهم بعضا من مما قرروا فعله لنا عندما
يصبحون اولادا !!
رفقا بهم فانهم يستحقون الكثير !!

(( أتمنى تكون الرسالة وصلت ))


تحياتي للجميع

اجل تصدقين انا اقول


ياليتني بنت


والله طفش ولــــد قولي لي وين تروح

طيب خلينا نقول سنتين بالشوراع

وسنتين بالمقاهي وبعدين الى متى

وش نسوي بعدها يالله قولي لي

انتم ممكن بس حنا لا

انتم منتزهات اسواق كل مكان

بس حنا لا والله صدق انكم مريضين

المهم مشكورة على الموضوع وتقبلي مروري

محد عاجبه شي

ما يملي عين بني آدم غير التراااب

[b][color=indigo]كح كح عآد أنآآ إحمدوا ربكم إني بنت لو اني مو بنت كآن وش بيصير بآلدنيااا

والله لو اشوف القميص الا صفر اللي معك ابنعمي



ههههههههه تراني امزح معكـ دعابه دعابه


طيب وش الفرق لو انك بنت والا ولد ؟

ثآآنكس>< بص يع مآآودي اصير ولد البنت احسن وه بص علينآآآ فديت السحآآلي كلهم

ههههه هو صح ان السحالي يقوطرون ملح>>ولا فلفل


بس يختي اذا جعتي باليل ومالقتي شي بالمطبخ مايردك الا تفحيطه رجولتس البقاله


>>>>شكلي جوعانه

المهم مشكورة على مرورك

يؤ يؤ يؤ ...... ليهـ تصيرين ولد يا سيووووف << افآآآآ


كلن لهـ دورهـ ومكانتهـ في المجتمع... قامت مصرقعتهمـــْ تتفلسف مين بسكتهآآآ

يسلمووووووو على الموضوع .. ما ننحرمش خقي

ههههههههههه مصرقعهم مليييييت>>>على كيفي

يسلمو على مروركم